Foydalanish shartlari

Maydonchi ilovasidan foydalanish orqali siz ushbu shartlarga rozilik bildirasiz. Xizmat O'zbekiston hududida amal qiladi.

Bir akkaunt bir vaqtda cheklangan sonli qurilmada faol bo'ladi. Xavfsizlik uchun PIN-kod va davriy to'liq login talab qilinadi. Akkaunt ma'lumotlarining xavfsizligi foydalanuvchi zimmasida.

Narx band qilish vaqtida belgilanadi va keyin o'zgarmaydi. To'lov naqd, Click yoki Payme orqali amalga oshiriladi. Onlayn to'lovda joy cheklangan vaqt davomida band turadi — to'lov shu vaqt ichida yakunlanmasa, band avtomatik bekor bo'ladi.

Buyurtmani sabab ko'rsatib bekor qilish mumkin. Davriy buyurtmada «faqat shu hafta» yoki «butun seriya» tanlanadi. Stadion vaqtincha faol bo'lmay qolsa, buyurtma bekor qilinishi va bu haqda xabar berilishi mumkin.

O'yinga kelmaslik (no-show) ishonch balini kamaytiradi. Ishonch bali past foydalanuvchilarning ba'zi buyurtmalari stadion tomonidan qo'lda tasdiqlanadi.

Platforma stadion buyurtmasidan ulush olmaydi — dasturdan foydalanish uchun kunlik tarif to'lanadi. Balans yetarli bo'lmaganda tizimga kirish bosqichma-bosqich cheklanadi.

Maydonchi vositachi platforma bo'lib, stadion xizmati sifatiga bevosita javobgar emas. Nizolar tomonlar o'rtasida hal qilinadi; biz ko'maklashamiz.

Shartlar vaqti-vaqti bilan yangilanishi mumkin. Muhim o'zgarishlar haqida ilova orqali xabar beriladi.